ज्ञानाची उपासना हा समाजाच्या संस्कृतीचा मानदंड असतो. ज्ञानाला स्थल कालाच्या मर्यादा नसतात, तसेच त्याच्या उपासनेलादेखील जाती, धर्म, पंथ, भाषा, प्रांत यांची संकुचित बंधने अडवू शकत नाहीत. हेच ब्रीद मनाशी ठेवून गेली १६० वर्षे करवीर नगर वाचन मंदिर वाटचाल करीत आहे.
संस्थेच्या वाचक व्यासपीठ मार्फत काव्यवाचनाचा कार्यक्रम आयोजित करण्यात आला यावेळी चंद्रशेखर फडणीस यांनी कविता सादर केली. २८ कवींनी विविध विषयांवर आपल्या कविता सादर केल्या. अतिशय रंगतदार कार्यक्रम झाला. यावेळी बहुसंख्य श्रोते उपस्थित होते.